Ticarət məlumatlarına əsasən, ABŞ-ın “Nasdaq” birjasında premarketdə “Apple” səhmləri Bakı vaxtı ilə saat 13:44-də 5.92% artaraq 183.28 dollara çatıb. “Bloomberg” yazır ki, mayın 2-də post-bazarda şirkətin səhmləri 7.9% bahalaşıb. Agentlik qeyd edir ki, ümumilikdə, “Apple” səhmləri 2024-cü ildə 10% ucuzlaşıb.
“Bloomberg” yazır ki, “Apple”ın 2024-cü maliyyə ilinin ikinci rübü üzrə nəticələri analitiklərin gözlədiyindən daha yaxşı olub. Şirkətin rüblük gəliri illik müqayisədə 4.3% azalaraq 90.8 milyard dollar təşkil edib: analitiklər “Apple”ın xalis mənfəətinin 23.6 milyard dollar, səhm üzrə gəlirinin isə 1.53 dollar olduğunu proqnozlaşdırmışdılar. “Bloomberg” yazır ki, analitiklər səhm üzrə gəlirin 1.5 dollar olacağını gözləyirdilər.
“Apple” hər səhmə görə 0.25 dollar dividend ödəyəcək. Şirkət həmçinin 110 milyard dollarlıq səhmlərin geri alışını elan edib: bu, ABŞ tarixindəki ən böyük geri alışdır.
Şirkət bu barədə 2024-cü maliyyə ilinin ikinci rübünün martın 30-da başa çatdığını bildirərkən elan edib. Şirkətin gəliri illik müqayisədə 4% azalaraq 90.75 milyard dollara çatsa da, nəticə orta hesabla 90.01 milyard dollarla analitiklərin gözləntilərini üstələyib. “Apple” şirkətinin rəhbəri Tim Kukun sözlərinə görə, gəlir artımı bu rübdə bərpa olunacaq.
iPhone satışları 45.96 milyard dollar (əvvəlki 51.33 milyard dollara qarşı), Mac – 7.45 milyard dollar (7.17 milyard dollar), iPad – 5.56 milyard dollar (6.67 milyard dollar), digər cihazlar və aksessuarlar – 7.91 milyard dollar (8.76 milyard dollar) gəlir gətirib. Xidmətlərdən (“Apple Music”, “Apple TV+” və digərləri) gələn gəlir 14% artaraq 23.9 milyard dollara çatıb.
Rüblük xalis gəlir bir il əvvəl 24.16 milyard dollardan aşağı düşərək 23.64 milyard dollar təşkil edib. Avadanlıq istehsalçısının səhmləri iş saatlarından sonrakı ticarətdə təxminən 6% artıb.
