“Apple” sızmaların qarşısını almaq üçün işçilərini sinə kameralarını taxmağa məcbur edəcək

“Apple” texnologiya və cihazlarla bağlı sızmaların qarşısını bir qrup işçilərini kamera taxmağa məcbur etmək yolu ilə almağa çalışır.

Banker.az bu barədə “Vc.ru”ya istinadən xəbər verir.

Bildirildiyi kimi, şirkət ABŞ-da polislərin istifadə etdiyi “Axon Body” videoqeyd cihazlarını tətbiq etməyi planlaşdırır.

Bu addım həm də Con Prosser kimi tanınmış şəxslərin məxfi məlumatlara girişini məhdudlaşdırmağa yönəldilib. “Mən heç vaxt mənbəyə pul ödəməmişəm. Və pulları öz əlimlə təhvil verməmişəm. Heç bir əməliyyat olmayıb. Və heç vaxt işçilərə mənə məlumat vermək məcburiyyətində olduqlarını açıq şəkildə bildirməmişəm”, – deyə Prosser sosial şəbəkələrdə açıqlayıb.

Xatırladaq ki, daha əvvəl “Apple” potensial cihazların yüksək keyfiyyətli göstəricilərini açıqlayan 3D dizayneri Cermeyn Smiti məhkəmə ilə təhdid edib. Maraqlıdır ki, kameralarla bağlı xəbər də “Apple”ın öz işçiləri tərəfindən “sızdırılıb”, bu səbəbdən mənbələr bu cür tədbirlərin təsirli olacağına şübhə edir.

Bundan əvvəl analitik Min-Çi Kuo “iPhone 2022” seriyası haqqında məlumat paylaşıb.


Kredit müraciəti

Sizin müraciətiniz banka göndərildi.