Gələn il “Apple” yeni ad altında unikal xüsusiyyətləri olan flaqman smartfon buraxmaq niyyətindədir. O, yüksək səviyyəli iPhone Pro Max-ı əvəz edəcək və iPhone 15 Ultra adlanacaq.
Bu barədə “Apple”dakı etibarlı mənbələri ilə tanınan “Bloomberg” jurnalisti Mark Qurman yazıb. Onun sözlərinə görə, smartfon yeni dizayn alacaq.
Qeyd edək ki, bu il “Apple” oxşar adda daha bir cihazını təqdim edib – Apple Watch Ultra. Yenilik eyni vaxtda təqdim olan digər modellərə nisbətən funksionallıq baxımından daha zəngindir.
