“Apple” şirkəti koronavirus pandemiyasının sürətlə yayıldığı dövrdə yeni iPhone SE modelini təqdim edib. Banker.az xəbər verir ki, bu smartfon şirkətin 2020-ci ildə buraxdığı ilk qadjet oldu.
Qeyd edildiyi kimi, yeni model üç rəngdə hazırlanıb: qara, ağ və qırmızı.
Bu cihaz 2016-ci ildə çıxan eyni adlı smartfonun varisi sayılır. Yeni modelin dizaynı iPhone 8-ə bənzəsə də, onlar arasında müəyyən fərqlər var. iPhone SE 4,7 düymlük Retina IPS ekranı, ön panelin altındakı Touch ID barmaq izi və 12 meqapiksellik arxa kamera ilə təchiz olunub.
Yeni iPhone SE modelinin qiyməti 399 dollar təşkil edəcək və satışa 24 apreldə buraxılacaq.
