“Apple” yeni məhsulların yaz təqdimatını ləğv edib, bu məlumatı “Bloomberg”in köşə yazarı Mark Qurman açıqlayıb. Onun sözlərinə görə, yazda şirkət bir neçə yeni qadcet, iPad Air və iPad Pro modellərini təqdim edəcək.
Artıq dünən “Apple” şirkətinin rəsmi saytında yeni nəsil MacBook Air noutbuklarının təqdimatı keçirilib. Elan edilmiş modellər – 13 və 15 düymlük MacBook Air M1 çipindən 60% daha məhsuldar olan M3 prosessoruna əsaslanır və Intel prosessorlu kompüterlərdən 13 dəfə sürətlidir. Bildirilir ki, cihazın qalınlığı 1 sm-dən bir qədər çoxdur, korpusu isə 50% təkrar emal olunmuş materiallardan hazırlanıb.
Şirkət ənənəvi təqdimat əvəzinə, generativ süni intellekt sahəsində nailiyyətləri nümayiş etdirəcək öz Ümumdünya Tərtibatçılar Konfransına hazırlaşmağa diqqət yetirəcək. Konfransın 2024-cü ilin iyun ayına təyin edilməsi nəzərdə tutulur, baxmayaraq ki, korporasiyanın özü tarixləri hələ təsdiqləməyib.
