11 C
Baku
Çərşənbə axşamı, Noyabr 30, 2021

“Apple”ın yeni məxfilik siyasəti sosial şəbəkələrə 10 mlrd. dollara başa gəlib

“Apple”ın məxfilik siyasətindəki dəyişikliklər böyük sosial şəbəkələrin reklam biznesinə təsir göstərib.

Banker.az xəbər verir ki, reklam texnologiyaları şirkəti “Lotame” hesab edir ki, “Snapchat”, “Facebook”, “YouTube” və “Twitter” gəlirlərinin 12%-ni və ya təxminən 9.85 milyard dollarını itirib.

Xatırladaq ki, yenilənmiş məxfilik siyasəti istifadəçi məlumatlarını izləmək üçün icazə alınmasını tələb edir. Yeni qayda 2021-ci ilin aprel ayında iOS 14.5 əməliyyat sistemində qüvvəyə minib.

“Facebook” “Apple”ın yeni qaydalarını tənqid edib, bundan sonra şirkətin səhmləri 4.3% ucuzlaşıb. Eyni zamanda şirkətin reklam satışları üçüncü rübdə azalmağa başlayıb və illik 35% gəlir artımı 2020-ci ilin dördüncü rübündən bəri ən aşağı göstərici olub.

Dəyişikliklər həmçinin “Twitter”ə də təsir göstərib. Bu, sosial şəbəkənin reklamının kontekst və brendinqə əsaslanması səbəbindən baş verib. Nəticədə şirkətin reklam gəlirləri 41%, səhmləri isə 4% azalıb.

Bundan əlavə, yeni məxfilik siyasətinin tətbiqindən sonra “Snap”ın bazar dəyəri 1/5 hissəsini itirib. Hesabatlardan sonra “Facebook” və “Twitter” müvafiq olaraq 6% və 5%, “Alphabet” və “Pinterest” isə 2% ucuzlaşıb. “Snap”ın yaradıcısı Evan Şpiqelin sözlərinə görə, “Apple”ın yeni siyasəti “onlayn-reklam bazarında inqilab edib”.

Son xəbərlər
Oxşar xəbərlər
X