“Aqrolizinq” dövlət şirkəti ilə 10,5 mln. manatlıq məhsul alır

0

“Aqrolizinq” Açıq Səhmdar Cəmiyyəti karbamid gübrəsinin satınalınması ilə bağlı 10,5 mln. manatlıq müqavilənin qalibini açıqlayıb.

Banker.az-ın əldə etdiyi məlumata əsasən, “Aqrolizinq” bununla bağlı Azərbaycan Respublikası Dövlət Neft Şirkətinin (SOCAR) Marketinq və İqtisadi Əməliyyatlar İdarəsi ilə müqavilə imzalayıb.


Kredit müraciəti

Sizin müraciətiniz banka göndərildi.

“Aqrolizinq” Prezident İlham Əliyevin 2004-cü il oktyabrın 23-də imzaladığı sərəncamla yaradılıb. Səhmlərinin 100 faizi dövlətə məxsus olduğundan yarandığı vaxt Cəmiyyətə İqtisadi İnkişaf Nazirliyi nəzarət edib. 2009-cu il iyulun 21-də isə Prezidentin sərəncamına əsasən “Aqrolizinq” Kənd Təsərrüfatı Nazirliyinin tabeliyinə verilib.

“Aqrolizinq” ASC-in qarşısına qoyulan əsas məqsəd, ölkədə kənd təsərrüfatı texnikası çatışmazlığının aradan qaldırılması, fermerlərə güzəştli şərtlərlə bu cür texnika və avadanlıqların verilməsidir.