17 iyul 2023-cü il tarixində saat 15:00-da Kənd Təsərüffatı Nazirliyinə məxsus “Aqroservis” ASC-nin səhmdarlarının ümumi yığıncağı keçiriləcək.
Banker.az xəbər verir ki, yığıncağın gündəliyinə səhmdar cəmiyyyətinin nizamnaməsinə dəyişiklik edilməsi və digər məsələlər daxildir.
Xatırladaq ki, “Aqroservis” 2005-ci ildə dövlət qeydiyyatına alınıb. Onun nizamnamə kapitalı 351 599 098 manatdır və qanuni təmsilçisi Elmin Rəhmanovdur. Şirkət kənd təsərrüfatı məhsulları istehsalçılarının, lizinq yolu ilə satılması istisna olmaqla, qanunla müəyyən edilmiş qaydada kənd təsərrüfatı istehsal vasitələri (kənd təsərrüfatı texnikası, texnoloji avadanlıq, o cümlədən suvarma sistemləri dəsti və avadanlığı, aqrokimyəvi maddələr, bitki mühafizəsi vasitələri, sertifikatlı toxum və ting) ilə təmin edilməsini, aqrotexniki xidmətlər göstərilməsini və bu sahədə fəaliyyətin təşkilini həyata keçirən kommersiya hüquqi şəxsidir.
