Bu ilin yanvar-iyul aylarında Rusiya ilə ABŞ arasında ticarət dövriyyəsinin həcmi əvvəlki ilin eyni dövrü ilə müqayisədə 8,3% azalaraq 14,044 mlrd. ABŞ dollarına bərabər olub.
Bu barədə Rusiyanın Federal Gömrük Xidmətinin məlumatında deyilir.
Hesabat dövründə Rusiyadan ABŞ-a ixrac illik ifadədə 16,4% azalaraq 6,116 mlrd. dollar, ABŞ-dan idxal isə 0,9% azalaraq 7,929 mlrd. dollar təşkil edib.
Qeyd edək ki, ABŞ-ın Rusiyanın ümumi xarici ticarət dövriyyəsindəki payı ötənilki 4,5%-dən 4,1%-ə enib.
