Banker.az xəbər verir ki, Oxfam təşkilatının hesabatına əsasən, varlı və yoxsul şəxslər arasında sərvət uçurumu 2017-ci ildə də artıb. Hazırda planetin 1%-i dünya sərvətinin 82%-nə sahiblik edir.
2010-cu ildən etibarən varlı insanların sərvəti hər il 13% yüksəldiyi bir zamanda, adi əməkdaşların sərvəti isə orta hədlə 2% artıb.
Hesabat müəllifləri biznesmenlərin öz gəlirlərini artırmaq üçün mümkün səbəbləri qeyd ediblər. Onların fikrincə, bunlar əmək haqlarının azaldılması, əməkdaşların iş şərtləri, biznesin dğvlət siyasətinə təsiri və s.dir.
Qeyd edək ki, təşkilat 2017-ci ilin yanvar ayında bildirmişdi ki, 8 milyarderin sərvəti dünya əhalisinin yoxsul təbəqəsinin sahib olduğu ümumi sərvətə bərabərdir.
