2022-ci ildə Dövlət Neft Fondundan (ARDNF) dövlət büdcəsinə transfertin məbləği son 5 ilin ən aşağı göstəricisi olub.
Bunu Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili parlamentin bu gün keçirilən plenar iclasında hökumətin hesabatının müzakirəsi zamanı deyib.
“Ötən il ARDNF-dən büdcəyə transfertin nəzərdə tutulandan 3.6 milyard manat az olması dövlət başçısının Fondun vəsaitlərinə qənaət edilməsi yönündə qoyduğu hədəflərə nail olunmasını göstərir. Bu, büdcə gəlirlərinin artması və büdcə qaydasının tətbiqi nəticəsində mümkün olub”, – deyə o qeyd edib.
