2017-ci ilin yekunları üzrə Azərbaycan Dövlət Neft Fondunun (ARDNF) xalis mənfəəti 1 mlrd. 999,323 mln. manat təşkil edib ki, bu da 2016-cı ilin göstəricisindən 3,4 dəfə azdır.
ARDNF-in 2017-ci il üzrə maliyyə hesabatı PWC beynəlxalq auditor şirkəti tərəfindən təsdiq edilib.
Dərc edilmiş maliyyə hesabatına əsasən, ötən il fondun əməliyyat gəliri 2 mlrd. 87,495 mln. manat (azalma 3,3 dəfə) təşkil edib. Gəlirlərin əsas hissəsini – 977,101 mln. manatı (azalma 2,9%) faiz və digər investisiya gəlirləri (azalma 2,9%) təşkil edib. Fond məzənnə fərqindən 744,033 mln. manat (azalma 7,2 dəfə) gəlir əldə edib.
2017-ci ildə ARDNF-in aktivləri manat ekvivalentində 3,9% – 61 mlrd. 72,408 mln. manatadək, o cümlədən cari aktivləri 4,3% – 51 mlrd. 987,926 mln. manatadək, uzunmüddətli aktivləri 1,6% – 9 mlrd. 84,482 mln. manatadək artıb.
Hesabat ilində fondun öhdəlikləri 4,3% – 545,415 mln. manatadək artıb.
2017-ci ildə ARDNF-in kapitalı 3,9% – 60 mlrd. 526,993 mln. manatadək, o cümlədən kapital qoyuluşları 27 mlrd. 688,603 mln. manat (artım 0,2%), bölüşdürülməmiş mənfəəti 31 mlrd. 656,494 mln. manat (artım 6,7%) artıb.
ARDNF-də neft müqavilələrinin reallaşmasından, əsasən dövlətin mənfəət neftinin satışından, ölkə ərazisində neft və qaz nəqlinə görə tranzit tariflərindən, dövlət əmlakının icarəsindən və digər mənbələrdən daxil olan gəlirlər toplanır.
İnterfaks.az
