Koronavirusa yoluxduğuna görə Böyük Britaniyanın paytaxtı Londonda müalicə olunan Ermənistan prezidenti Armen Sarkisyan uzunmüddətli fasilədən sonra Yerevana qayıdır.
Bunu dövlət başçısının mətbuat xidməti açıqlayıb.
Həkimlər ona Ermənistana qayıtmaq üçün icazə veriblər.
A.Sarkisyan müalicəsini paytaxt Yerevanda davam etdirəcək.
Qeyd edək ki, ölkə başçısı hələ ötən il dekabrın sonunda ayağında əməliyyat olunmaq üçün Böyük Britaniyanın paytaxtı Londona gedib. Ona yanvarın 5-də COVID-19 diaqnozu qoyulub. Bundan başqa, onun həyat yoldaşı Nune Sarkisyanda da koronavirus aşkarlanmışdı.
