6 C
Baku
Cümə axşamı, Yanvar 27, 2022

Artıq 100-dən çox sahibkar CİB Biznesi seçir!

®Bu ilin sentyabr ayında CİB tərəfindən təqdim olunan CİB Biznes rəqəmsal ekosistem məhsulu artıq ilk uğurlarından birini qeyd edir. Bu qısa müddət ərzində artıq 100-dən çox mağaza CİB Biznes sisteminə qoşuldu. Mikro, kiçik və orta sahibkarlar üçün nəzərdə tutulan bu universal həll bazarda böyük maraq ilə qarşılanmışdır. Ən sevindirici hal isə sahibkarlar tərəfindən nağdsız ödəniş həllərinə olan yüksək tələb olmuşdur.

CIB Biznes photos 1 scaled

Hazırda dünyada pərakəndə ticarətdə rəqəmsallaşma geniş yayılmağa başlayır və elektron ticarətə keçid sürətlənir. Elektron ticarətin payı bir çox ölkələrdə pərakəndə ticarətin 50%-nə qədər artmışdır. Azərbaycanda hal-hazırda bu rəqəmin 1-2% səviyyəsində olduğu təxmin edilir. Azərbaycanda bu trendlər yeni-yeni ortaya çıxmağa başlayıb, lakin tələb olunan investisiya, nou-hau və resurs səbəbindən, kiçik və orta bizneslər bu prosesdən geridə qalmış olur. CİB Biznesin həlli məhz bu sahibkarlara sərmayə qoymadan sürətli rəqəmsallaşmağa imkan yaradır.  Qoşulan mağazaları cəlb edən ən böyük amil platformanın heç bir öncədən ödəniş və ya xərc olmadan təklif olunmasıdır. Onu da qeyd edək ki, CİB Biznes platforması bulud texnologiyası üzərində işləyir və həm desktop, həm də smartfonlarda istifadə oluna bilir.

CIB Biznes photos 4 1

Şirkətin hədəfi gələn ilin sonuna qədər mağaza sayını 1.000-ə, 2023-ci ilin sonuna qədər isə 2.000-nə çatdırmaqdır.

CİB Biznes hal-hazırda oflayn və onlayn üçün müxtəlif yeni ödəmə həlləri üzərində də intensiv iş aparır. Elektron ticarət platformasına qoşulan mağazalar həmçinin şirkətin CİB Pay ödəmə həllərinə inteqrasiya olunur. Bu həllər sayəsində şirkətlər bir çox üsullarla ödəməni 24/7 qəbul edə bilir.

Ekosistem həlli olaraq isə CİB Biznes sahibkarlarına CİB mobil tətbiqi vasitəsilə QR ilə ödə (CİB ilə ödə) məhsulu təqdim olunub. Həmçinin Azərbaycanda ilk dəfə olaraq, onlayn alış-veriş vaxtı QR ilə ödəniş metodu da tətbiq olunmuşdur. Alıcılar CİB ilə ödə stikerini gördüyü mağazalarda alış-veriş edərkən CİB mobil tətbiqinə daxil olub CİBdə yaddaşda saxladığı kart vasitəsilə QR ödənişini edə bilərlər.

CIB Biznes photos 3

Yaxın zamanda isə CİB ekosisteminin Bonus məhsulu da istifadəyə veriləcək ki, bu da öz növbəsində nağdsız ödənişlərin populyarlaşdırılmasına dəstək olacaq. Həmçinin, CİB Biznesə qoşulan mağazalar üçün Apple Pay ilə onlayn ödəmə həlli də tezliklə təqdim olunacaq.

Şirkət haqqında:

CİB Biznes CİB ekosisteminin bir parçasıdır. CİB Azərbaycanda ilk multi-bank mobil ödəniş sistemi kimi bazarda 2015-ci ildən fəaliyyət göstərir. CİB Biznes yeni B2B həlli kimi CİB ekosisteminin növbəti inkişaf mərhələsidir. Bu məhsulu yaratmaqda məqsəd mikro, kiçik və orta biznes sahiblərinə biznes prosesləri rəqamsallaşdırmağa dəstək olmaqdır. CİB Biznes sahibkara inventar idarəetməsini (stock management), müştərilərlə münasibətləri (CRM), satış prosesini, müxtəlif yollar ilə ödənişlərin qəbulunu və elektron ticarəti rəqamsallaşdırılmış şəkildə vahid bir məhsul olaraq təklif edir. CİB Biznesi seçən sahibkar bütün biznes proseslərini vahid bir həll üzərindən idarə edə bilir.
CİB Biznesə qoşulmaq üçün: https://cib.business
CİB mobil tətbiqini yükləmək üçün: https://cib.az/app

Son xəbərlər
Oxşar xəbərlər