Bu günə qədər “Atəşgah Sığorta” ASC-nin İdarə Heyətinin sədrini əvəz edən Tahir Kazımov sədr kimi təsdiqlənib..
Banker.az bunu şirkətin rəsmi internet səhifəsinə istinadən bildirir.
T.Kazımov 1998-ci ildən “Atəşgah Sığorta”da çalışır. Bu ilin yanvar ayından etibarən İdarə Heyəti sədrini müvəqqəti əvəz edib.
Xatırladaq ki, “Atəşgah Sığorta” 1996-cı ildə yaradılıb. Onun nizamnamə kapitalı 5,01 milyon manatdır. ASC-nin səhmlərinin 63%-i “ISR Holding” MMC-yə, 27%-i “Ran-Exim” MMC-yə, 10%-i isə Azərbaycan Dövlət Neft Şirkətinə (SOCAR) məxsusdur.
