Azərbaycanda hava nəqliyyatı ilə sərnişin daşınmasının həcmi illik müqayisədə illik müqayisədə 31 faiz artıb.
Banker.az bunu Dövlət Statistika Komitəsinə istinadən xəbər verir.
Bildirilir ki, 2023-cü ilin ilk üç rübü ərzində 2 milyon 170.5 min sərnişin daşınıb. 2022-ci ilin müvafiq dövründə 1 milyon 656.6 min sərnişin daşınmışdı. Cari ilin eyni dövründə sərnişinlərin 1 milyon 610.8 mini beynəlxalq reyslər və 559.7 mini isə ölkədaxili reyslər hesabına daşınıb.
Sərnişin daşınmasından aviaşirkətlərin gəlirləri 1 milyard 103.4 milyon manat təşkil edib. Ötən ilin eyni dövründə 853.6 mln. sərnişin daşınmadan gəlir əldə edilmişdi.
Beləliklə illik müqayisədə sərnişin daşınmasından gəlirlər 29.3 faiz yüksəlib.
