Avropa İttifaqına daxil olan üzv dövlətlər bir strukturda birləşmiş demokratik dövlətlərdir. Milli müstəqilliyini qoruyaraq eyni zamanda üzv dövlətlər daxili və xarici siyasətin müxtəlif sferalarına aid ümumi kurs keçməlidirlər.
Avropa İttifaqının yaranma tarixi öz başlanğıcını 1950-ci ildən götürür. Bu zaman Fransanın xarici işlər naziri Robert Şuman Fransa və Almaniyanın (AFR) kömür və polad sənayesini birləşdirməyi təklif etmişdi.
Daha sonradan inkişaf edən digər Avropa ölkələri ardıcıl olaraq danışıqlara qoşuldular və Kopenhagen meyarlarına uyaraq Avropa İttifaqının tərkibini tamamlamışlar. Hazırda Avropa İttifaqına daxil olan ölkələrin sayı 27-dir.
Bundan başqa, daha dörd ölkə bu ittifaqa namizəd olaraq qalır. Bunlar İslandiya, Xorvatiya, Türkiyə və Makedoniyadır.
Avropa İttifaqına daxil olan ölkələrin siyahısı
| Aİ-na üzv dövlətlər | Paytaxt | Aİ-na daxil olduğu il | |
| 1 | Avstriya | Vena | 1995 |
| 2 | Belçika | Brüssel | 1957 |
| 3 | Bolqarıstan | Sofiya | 2007 |
| 4 | B.Britaniya | London | 1973 |
| 5 | Macarıstan | Budapeşt | 2004 |
| 6 | Almaniya | Berlin | 1957 |
| 7 | Yunanıstan | Afina | 1981 |
| 8 | Danimarka | Kopenhagen | 1973 |
| 9 | İrlandiya | Dublin | 1973 |
| 10 | İspaniya | Madrid | 1986 |
| 11 | İtaliya | Roma | 1957 |
| 12 | Kipr | Nikosiya | 2004 |
| 13 | Latviya | Riqa | 2004 |
| 14 | Litva | Vilnüs | 2004 |
| 15 | Lüksemburq | Lüksemburq | 1957 |
| 16 | Malta | Valletta | 2004 |
| 17 | Niderland | Amsterdam | 1957 |
| 18 | Polşa | Varşava | 2004 |
| 19 | Slovakiya | Bratislava | 2004 |
| 20 | Sloveniya | Lyüblyana | 2004 |
| 21 | Portuqaliya | Lissabon | 1986 |
| 22 | Ruminya | Buxarest | 2007 |
| 23 | Finlandiya | Helsinki | 1995 |
| 24 | Fransa | Paris | 1957 |
| 25 | Çexiya | Praqa | 2004 |
| 26 | İsveç | Stokholm | 1995 |
| 27 | Estoniya | Tallin | 2004 |
Ölkələrin Avropa İttifaqına daxil olma xronologiyası
Avropa İttifaqı bir anda yaranmamışdır və bu proses bu gün də davam edir. Ölkələrin bir strukturda birləşməsinin əsası 1951-ci ildə AFR, Belçika, Niderland, Lüksemburq, Fransa və İtaliyanın kömür və polad sənayesinin birləşdirilməsi barədə olan Avropa sazişinin imzalanması ilə qoyuldu. Bu saziş 1952-ci ilin iyulunda qüvvəyə mindi.
1957-ci il martın 25-də Belçika, Almaniya, Fransa, İtaliya, Lüksemburq və Niderland Avropa İqtisadi Birliyinin və yaradılması EAEC-ın yaradılması barədə müqavilə imzaladılar.
1996-cı ilin yanvarında Sloveniya və Çexiya Avropa İttifaqına daxil olma arzularını bildirmişlər.
1997-ci ilin iyulunda Avropa Komissiyası Aİ-nın genişləndirilməsi barədə Agenda 2000 proqramını yaratmışdır.
1998-ci ilin martında Kipr, Polşa, Macarıstan, Sloveniya, Estoniya və Çex Respublikası ilə Aİ-ə daxil olmaları barədə danışıqlar başlanıldı.
2000-ci il oktyabrın 26-da Parisdə genişlənmə ilə bağlı ilk Sənaye Forumu öz işinə başlamışdı. Forumda Aİ-ə üzv-dövlətlər və namizəd ölkələr iştirak edirdi.
2000-ci ilin 8 noyabrında Avropa Komissiyası nəticələr barədə regulyar hesabat nəşr etmişdi.
1972, 1994-cü illərdə Norveçin Avropa İttifaqına daxil olması barədə iki dəfə referendum keçirilmişdi. Birinci referendum ölkənin, ikincisi isə ölkənin kənd təsərrüfatının məhdud müstəqilliyə sahib olacağından ehtiyatlanaraq ləğv olunmuşdu
Norveç, İslandiya və İsveçrə Avropa İttifaqına üzv olmasalar da, Şengen zonasına daxildirlər. Qrenlandiya isə 1985-ci ildə Avropa İttifaqının tərkibindən çıxmışdı.
