Avropa Komissiyası 2022-2023-cü illər üçün “Brent” markalı etalon neftinin qiyməti üzrə proqnozunu azaldıb.
Avropa Komissiyasının yeni iqtisadi proqnozuna əsasən, 2022-ci ildə “Brent” markalı neftin bir barel üçün orta qiyməti 101.8 dollar səviyyəsində olacaq, bu da öncəki proqnoz göstəricisindən 6.4 ABŞ dolları azdır. Müvafiq olaraq 2023-cü il üçün “Brent”in qiymətinin 85 dollar səviyyəsində olacağı ehtimal olunur, bu da əvvəlki proqnoz göstəricidən 10.6 dollar azdır.
Sənədə əsasən, 2024-cü ildə “Brent” neftinin orta qiymətinin 78 dollar təşkil edəcəyi ehtimal olunur.
