Avropa Komissiyası (AK) “Volkswagen Group”, “Renault-Nissan” və “Stellantis” də daxil olmaqla 15 avtomobil istehsalçısını utilizasiya edilmiş avtomobillərin təkrar emalı üzrə “ən uzunmüddətli kartel” yaratdıqlarına və bu karteldə iştirak etdiklərinə görə cərimələyib. Cərimənin ümumi məbləği 458 milyon avrodur.
AK qərarında qeyd edildiyi kimi, 2002-ci ildən 2017-ci ilə qədər 16 avtomobil şirkəti və Avropa Avtomobil İstehsalçıları Assosiasiyası (ACEA) rəqabət qanunlarına zidd olan müqavilələr bağlayıb.
Ən böyük cəriməni “VW” ödəyəcək – 127.7 milyon avro. İkinci ən böyük cərimə “Renault-Nissan”ın cəriməsidir – 81 milyon avro. Onlardan başqa, “Stellantis” 75 milyon avro, “BMW” 25 milyon avro, “Toyota Motor” isə 24 milyon avro ödəyəcək. Karetil daha bir üzvü olan “Mercedes-Benz Group” isə AK-ni sövdələşmə barədə məlumatlandırdığı üçün cərimə edilməyəcək.
