33 C
Baku
Wednesday, July 17, 2024

Avropa Komissiyası “UBS” və “Credit Suisse”nin birləşməsini təsdiqləyib

Avropa Komissiyası iki İsveçrə bankının – “UBS” və “Credit Suisse”nin birləşmə şərtlərinin nəzərdən keçirilməsini başa çatdırıb və onların birləşməsinin azad rəqabətə zərər verməyəcəyi qənaətinə gəlib. Buna əsaslanaraq, tənzimləyici heç bir əlavə şərt olmadan sövdələşməni təsdiqləmək qərarını verib.

Banker.az bu barədə Kommersant-a istinadən xəbər verir.

Avropa Komissiyasının bəyanatında qeyd edildiyi kimi, “UBS” və “Credit Suisse”nin fəaliyyəti sərvət və aktivlərin idarə edilməsi, eləcə də investisiya bankçılığı sahələrində Avropa İqtisadi Bölgəsi sərhədləri daxilində kəsişir.

Bununla belə, komissiya belə nəticəyə gəlib ki, birləşmiş şirkət bu bazarların hamısında bir sıra böyük qlobal banklar, eləcə də ixtisaslaşmış provayderlər və güclü yerli oyunçular da daxil olmaqla, geniş spektrli rəqiblərin əhəmiyyətli təzyiqi ilə üzləşməyə davam edəcək.

“UBS” və “Credit Suisse” bu ilin mart ayının ortalarında birləşmələrini elan ediblər.  Sövdələşmə “UBS”i dağılmaqdan xilas etmək üçün “Credit Suisse”i almağa inandıran İsveçrə səlahiyyətlilərinin birbaşa iştirakı ilə baş verib. Sövdələşmənin mümkün qədər tez baş tutması üçün Avropa Komissiyası aprelin əvvəlində sövdələşmənin ilkin təsdiqini təqdim edib.

Son xəbərlər
Digər xəbərlər