Avropa Komissiyası (AK) Ukraynadan Bolqarıstan, Macarıstan, Polşa, Rumıniya və Slovakiyaya taxıl idxalına qoyulan qadağanın müddətini sentyabrın ortalarına qədər uzatmaq qərarına gəlib, Banker.az bu barədə TASS-a istinadən xəbər verir.
Qadağa buğda, qarğıdalı, raps və günəbaxana şamil edilir. O, mayın 2-də Ukrayna ilə həmsərhəd ölkələrdən, o cümlədən Polşadan idxalı qadağan edən birtərəfli qərarları əvəz edərək tətbiq edilib.
Aprelin ortalarında Polşa Ukraynadan ölkəyə kənd təsərrüfatı məhsullarının ixracına qadağa qoyub. Oxşar qərarı Aİ-nin daha dörd ölkəsi – Bolqarıstan, Macarıstan, Rumıniya və Slovakiya qəbul edib. Mayın 2-dən Avropa Komissiyası mayın 2-dən iyunun 5-dək Ukraynadan bu beş dövlətə taxıl ixracına qadağa qoyub.
Ukrayna hakimiyyəti ixrac qadağasını əvvəlki razılaşmaların pozulması adlandırır və Aİ-ni onu ləğv etməyə çağırır.
