Mütəxəssislərin fikrincə, 2023-cü ilin 9 ayı ərzində Rusiyadan Avropa İttifaqına mayeləşdirilmiş təbii qazın tədarük həcmi əhəmiyyətli dərəcədə artıb.
Bu barədə “İzvestiya” qəzeti yazıb.
İspaniya və Belçika ötən illə müqayisədə Rusiyadan mayeləşdirilmiş qazın (LNG) alışını 50% artırıb. Belə ki, İspaniya Rusiyadan 5,21 milyard kubmetr, Belçikadan 3,14 milyard kubmetr qaz idxal edib və bu ölkələr üçün idxalda Rusiya yanacağının payı müvafiq olaraq 26,5 faiz və 37,2 faiz təşkil edib.
Qeyd olunub ki, Avropa logistik üstünlükləri, eləcə də əlverişli alternativlərin olmaması səbəbindən Rusiyanın enerji resurslarından tamamilə imtina edə bilmir.
Ekspertlər hesab edirlər ki, sərtləşən “yaşıl gündəm” fonunda avropalı siyasətçilər regionun enerji təhlükəsizliyini təmin etmək üçün praqmatik yanaşmaya əl atmağa məcburdurlar.
