16 C
Baku
Wednesday, April 17, 2024

Avropa tənzimləyicisi COVID-19 əleyhinə beşinci peyvəndi təsdiq edib

Avropa Dərman Agentliyi (EMA) Amerikanın “Novavax” şirkətinin “Nuvaxovid” peyvəndinin istifadəsinə icazə verməyi tövsiyə edib. Qeyd edilir ki, preparatla bağlı məlumatlar Avropa İttifaqının effektivlik, təhlükəsizlik və keyfiyyət meyarlarına cavab verir.

Banker.az xəbər verir ki, bu, birlik ölkələrində istifadəsi tövsiyə olunan beşinci peyvənd olub.

Tənzimləyici bildirib ki, peyvəndin təsirlərinə inyeksiya yerində ağrı, yorğunluq, əzələ və oynaq ağrıları, baş ağrısı və ürəkbulanma daxildir. Simptomlar özünü yüngül və ya orta dərəcədə göstərir və peyvənddən sonra bir neçə gün ərzində yox olur.

Bildirildiyi kimi, indi avropalılar “Pfizer / BioNtech”, “Moderna”, “AstraZeneca” və “Johnson & Johnson” peyvəndləri arasında seçim edə bilərlər. Yaşı 18-dən yuxarı insanlar həm də “Nuvaxovid” preparatından istifadə edəcəklər.

Qərarın Avropa Komissiyası tərəfindən təsdiqlənməsi gözlənilir. Qeyd edək ki, Ümumdünya Səhiyyə Təşkilatı (ÜST) “Nuvaxovid” peyvəndini hələ təsdiq etməyib.

“Novavax” – on ildən çoxdur ki, yoluxucu xəstəliklərə qarşı peyvəndlər hazırlayan amerikan biotexnoloji şirkətdir. Onun vaksinlərinə Ebola, mövsümi qrip və digər virus xəstəlikləri üçün dərmanlar, eləcə də immunostimulyasiya edən maddələr daxildir.

Son xəbərlər
Digər xəbərlər