Avropanın ən güclü futbol liqaları keçən mövsümdə rekord €15,6 mlrd. qazanıblar

0

Deloitte analitiklərinin qiymətləndirmələrinə görə, İngiltərə çempionatının ali liqası keçən mövsümdə €5,44 mlrd. gəlir əldə edib. Bu, almanların Bundesliqası ilə müqayisədə 72% çoxdur (€3,2 mlrd.). Almaniyadan sonra üçüncü yerdə İspaniyanın La Liqası (€3,1 mlrd.), dördüncü yerdə İtaliyanın A Seriya (€2,2 mlrd.), beşinci yerdə isə Fransanın Liqa 1 (€1,7 mlrd.) durur. Ümumilikdə Avropanın ən güclü futbol liqaları keçən mövsümdə rekord €15,6 mlrd. qazanıblar.

Banker.az xəbər verir ki, Futbol liqa gəlirlərinin əsas hissəsini futbol maçlarını göstərmək hüququ təşkil edir: məsələn, ingilis Premyer-liqa 17/18 mövsümdə  €3,2 mlrd. qazanıb – yəni, demək olar ki, ümumi məbləğin 60%. Bu, Almaniya ilə müqayisədə 2,5 dəfə çoxdur. Buna baxmayaraq, ziyarətçilərin sayına görə Almaniya birinci yerdədir: bir matça orta hesabla 44 000 nəfər gəlir.


Kredit müraciəti

Sizin müraciətiniz banka göndərildi.

Bu mövsümdə ingilis klubları beynəlxalq arenada üstünlük təşkil edirlər. Avropanın iki əsas turnirin – Çempionlar Liqası və Avropa Liqasının finalında – yalnız Premyer Liqanın klubları olub. Onların dördündən üçü Londondandır. Milyarder Roman Abramoviçə məxsus olan  “Çelsi”, “Arsenal” ı 4:1 hesabı ilə məğlub edərək, Avropa Liqası mükafatını aldı. “Liverpul” və “Tottenhem” Çempionlar Liqasında şənbə günü yarışacaqlar.

Avropanın ən gəlirli çempionatlarına Türkiyə, Niderland, Portuqaliya və Şotlandiya da daxildir.