“Bloomberg” yazır ki, Avropada yeraltı qaz anbarları təxminən 63% doludur ki, bu da ilin bu vaxtı üçün ən aşağı səviyyədir. Agentlik qeyd edir ki, Şimali Asiyanın bəzi bölgələri istilər səbəbindən mayeləşdirilmiş təbii qazın alışını artırıb, Avropaya tədarük isə azalıb. Bu o deməkdir ki, avropalılar tədarükləri təmin etmək və qış üçün kifayət qədər qaz toplamaq üçün daha çox pul ödəməli olacaqlar.
Bununla belə, iyulun sonuna kimi Avropada temperaturun normal səviyyələrə yaxınlaşacağı gözlənilir ki, bu da tələbatı cilovlaya bilər. “Goldman Sachs” Avropanın yayın sonuna qədər qaz anbarını təxminən 80%-ə dolduracağını gözləyir.
Keçən həftə Avropa təbii qaz bazarında volatillik 2021-ci ilin sentyabr səviyyəsinə düşüb. Analitiklər əsas səbəb kimi qaz tədarükünün yüksək səviyyəsini, o cümlədən Avropaya böyük həcmdə LNG idxalını və yerli ölkələrə qaz anbarlarını doldurmağa imkan verdiyini göstəriblər.
