Avstraliyanın Qiymətli Kağızlar və İnvestisiya Komissiyası (ASIC) “Binance” kriptovalyuta birjasının yerli bölməsinin ofislərində reyd keçirib. Agentliyin mənbələrinə görə, axtarışlar şirkətin törəmə biznesi ilə bağlı araşdırma ilə əlaqəlidir, Banker.az bu barədə Kommersant-a istinadən xəbər verir.
Artıq bir neçə aydır davam edən ASIC araşdırması “Binance Australia”nın müştərilərini “derivativ ilə ticarət edənlər” kimi təsnif etməsi ilə bağlıdır. 2001-ci il Avstraliya Korporasiyaları Qanununa əsasən, pərakəndə müştərilərə derivativ ilə ticarət etmək qadağandır.
Tənzimləyici davam edən araşdırmaya istinad edərək, “Binance”nin ofislərinə bugünkü reydlərin səbəbi ilə bağlı şərh verməkdən imtina edib. Şirkət özü isə bildirib ki, istintaqla əməkdaşlıq edir.
Bildiyiniz kimi, dünyanın ən böyük kriptovalyuta birjası eyni anda bütün dünyada bir neçə araşdırma ilə üzləşib. Belə ki, iyun ayında ABŞ Qiymətli Kağızlar və Birjalar Komissiyası “Binance”yə qarşı iddia qaldırıb. Keçən ay da Fransa hakimiyyəti rəqəmsal aktivlərin qeyri-qanuni təmin edilməsində mübadilə və çirkli pulların yuyulmasından şübhələnən şirkətə qarşı araşdırma başladıb.
