Avstraliya hökuməti mənzil-qərargahı Adelaida şəhərində (Cənubi Avstraliya ştatı) yerləşəcək Milli Kosmik Agentliyinin yaradılacağını elan edib.
“ICTnews” yazır ki, Avstraliyanın sənaye, elm və texnologiyalar naziri Karen Endryusun sözlərinə görə, milli kosmik agentliyinin yaradılması ölkənin kosmos və müdafiə sektorunu tamamilə yeni səviyyəyə qaldıracaq. Agentliyin yaradılması, həmçinin kənd təsərrüfatı üçün faydalı olacaq. Məsələn, peyklərdən əldə edilmiş görüntülər fermerlərə kənd təsərrüfatı bitkilərinin əkilməsi haqqında qərarların qəbul edilməsində kömək edəcək.
Proqnozlara görə, gələcəkdə bu layihə 12 milyardadək məbləğdə özəl investisiya cəlb edə bilər. Bundan başqa, minlərlə yeni iş yeri açılacaq.
