Avstriya hökuməti Rusiya qazının tədarükünü dayandırmaq planı üzərində işləyir, Banker.az “Secretmag”a istinadən xəbər verir ki, bunu ölkə prezidenti Aleksandr Van der Bellen deyib.
“Federal hökumət Rusiya təbii qazından mərhələli şəkildə imtina etmək planı üzərində işləyir. Mən bunu alqışlayıram, çünki zaman gözləmir”, – deyə prezident söyləyib.
Avstriya kansleri Karl Nehammer aprelin əvvəlində bildirmişdi ki, ölkə yalnız bir neçə ildən sonra Rusiya qazından imtina edə bilər. Onun sözlərinə görə, Vyana Rusiya enerjisindən çox asılıdır. Eyni zamanda Avstriya Maliyyə Nazirliyi qaz embarqosuna qarşı çıxıb.
