AXA Mbask Sığorta Şirkəti ASC-də kadr dəyişikliyi olub.
Sığorta şirkətindən mənbəyə verilən məlumata görə, bununla bağlı qərar “AXA Mbask”ın səhmdarlarının oktyabrın 16-da keçirilmiş növbədənkənar ümumi yığıncağında qəbul edilib.
Qərara əsasən, şirkətin Təftiş Komissiyasının üzvü Ender Ertuğralın yerinə Sami Acarözmen təyin edilib.
Xatırladaq ki, “AXA-Mbask” 1992-ci ildə “Mbask” sığorta şirkəti kimi fəaliyyətə başlayıb, 2010-cu ildə əsas səhmdarının dəyişməsi ilə əlaqədar rebrendinq edib. Onun nizamnamə kapitalı 19 733 738 manatdır. Şirkətin səhmləri 100% Fransanın “AXA” qrupunun İspaniyadakı törəmə cəmiyyəti olan “AXA Seguros Generales, S.A., De Seguros Y Reaseguros”a məxsusdur.
