ABŞ rəhbərliyi ölkənin İrana endirdiyi yeni zərbələr fonunda dünya bazarında neft qiymətlərinin kəskin bahalaşacağını gözləmir. Bu barədə “Axios” məlumat yayıb.
Portalın həmsöhbətlərinin sözlərinə görə, Vaşinqton hesab edir ki, İranla qüvvədə olan atəşkəs dövründə Hörmüz boğazından Fars körfəzi ölkələrinin neftini daşıyan kifayət qədər çox tanker keçə bilib.
ABŞ administrasiyasının qiymətləndirməsinə əsasən, bazara artıq daxil olmuş neft həcmi, eləcə də idxalçı ölkələrin mövcud gərginliyə uyğunlaşması İrana endirilən zərbələrin birja qiymətlərinə təsirini zəiflətməlidir.
Ağ Evdə hesab edirlər ki, hazırkı bazar vəziyyəti ABŞ-yə münaqişənin eskalasiyası üçün daha geniş imkanlar yaradır.
İyulun 9-da Londonun ICE Futures birjasında Brent markalı neftin sentyabr fyuçersləri bir barel üçün 78,78 dollar səviyyəsində ticarət olunub. Qiymət əvvəlki ticarət sessiyasının bağlanışı ilə müqayisədə təxminən 0,76 dollar artıb.
Çərşənbə günü keçirilən hərraclar zamanı Brent fyuçersləri 5,2% bahalaşaraq 2026-cı il iyunun 19-dan bəri ən yüksək səviyyəyə yüksəlib.
