8 C
Baku
Cümə axşamı, Dekabr 2, 2021

“Azər Türk Bank” səhmdarlarına dividend ödəyəcək

İyunun 24-də “Azər-Türk Bank” ASC-nin səhmdarlarının növbəti ümumi yığıncağı keçiriləcək.

Məlumata görə, yığıncaq “Azər-Türk Bank”ın Bakı şəhəri, Nəsimi rayonu, Cəlil Məmmədquluzadə küçəsi, 85 ünvanında yerləşən inzibati binasında olacaq.

Yığıncağın gündəliyinə “Azər-Türk Bank” ASC-nin 2020-ci il üzrə fəaliyyətinə dair maliyyə hesabatının təsdiq edilməsi barədə, “Azər-Türk Bank” ASC-nin 2020-ci ilin mənfəətinin bölüşdürülməsi və dividendlərin ödənilməsi barədə, “Azər-Türk Bank” ASC-nin 2020-ci il üzrə illik idarəetmə hesabatının təsdiq edilməsi barədə məsələlər daxildir.

Qeyd edək ki, Azər Türk Bank-ın 1 yanvar 2021-ci il tarixinə bölüşdürülməmiş mənfəətinin həcmi 4.06 milyon manat idi.

Xatırladaq ki, “Azər-Türk Bank” 1995-ci ildə yaradılıb. Onun nizamnamə kapitalı 50 milyon manatdır. Bankın səhmlərinin 75 %-i Azərbaycan hökuməti adından çıxış edən Əmlak Məsələləri Dövlət Komitəsinə, 12,4 %-i Türkiyənin “Zıraat Bank”ına, 1,1 %-i “Zıraat Bank İnternational”a, 6,5 %-i “AzRe Təkrarsığorta” ASC-yə, 5 %-i isə “Qala Həyat Sığorta” ASC-yə məxsusdur.

Son xəbərlər
Oxşar xəbərlər
X