21 C
Baku
Monday, July 22, 2024

“Azərbaycan İpoteka Fondu” 50 mln. manat cəlb edir

“Azərbaycan İpoteka Fondu” ASC-nin (AİF) ipoteka istiqrazlarının 50 mln. manatlıq emissiyasının birinci tranşının yerləşdirilməsi baş tutacaq. Banker.az-a bu barədə Fonddan məlumat daxil olub.

Məlumata görə, 8 dekabr 2017-ci il tarixində Bakı Fond Birjasında AİF-in 15 000 000 manat həcmində adlı, sənədsiz, faizli ipoteka istiqrazlarının yerləşdirilməsi üzrə hərrac keçiriləcək. İstiqrazlar 1 000 manat qiyməti ilə satışa çıxarılacaqdır.

Maliyyə Bazarlarına Nəzarət Palatası tərəfindən “Azərbaycan İpoteka Fondu” ASC-nin adlı, sənədsiz, faizli ipoteka istiqrazlarının baza emissiya prospekti 10 noyabr 2017-ci il tarixində qeydə alınmışdır. Emissiyanın ümumi həcmi 50 000 000 AZN təşkil edir, bir istiqrazın nominal dəyəri 1 000 AZN, istiqraz üzrə faiz dərəcəsi 3% təşkil edir.

Baza emissiya prospektinə əsasən, yerləşdirmə kütləvi təklif üsulu ilə “Bakı Fond Birjası” QSC vasitəsi ilə keçiriləcək. Depozitari və Sərəncamçı xidmətləri Milli Depozit Mərkəzi tərəfindən göstəriləcək.

Son xəbərlər
Digər xəbərlər