24 C
Baku
Tuesday, September 27, 2022

Azərbaycan iqtisadiyyatındakı resessiya 3%-ə çatdı

2020-ci ilin yanvar-avqust aylarında ölkədə 45 milyard 962.5 milyon manatlıq ümumi daxili məhsul (ÜDM) istehsal edilib.

Bu barədə Banker.az Azərbaycanın Dövlət Statistika Komitəsinə istinadən xəbər verir.

Bu isə ölkə iqtisadiyyatında illik müqayisənin 3% geriləmə (resessiya) olması anlamına gəlir.

Aylar üzrə baxdıqda 2020-ci ilin ÜDM-sində ən aşağı göstərici aprel, avqust və may aylarında qeydə alınıb. Avqust özündən öncəki ayla müqayisədə nisbətən azalsa da, qeyd edilən ayların göstəricisindən yaxşı olub. (ətraflı şkalada)

ehali2 696x463 1

İqtisadiyyat Nazirliyinin (İN) 2021-ci illə bağlı erkən proqnozuna əsaslansaq ölkədə neftin qiymətinin ən yaxşı halında, yəni, neftin bir barelinin qiyməti qlobal bazarda 45 dollar olsa belə ölkəmizdə 2.4 faizlik ressesiya qaçılmazdır. Ölkəmiz üçün İN-nin ən pis ssenarisi isə xam neftin bir barelinin 35 dollarda ticarətidir. Əgər bu mümkün olarsa ölkəmizdə 4.3 faizlik resessiya olacağı proqnoz edilir.

İlin ilk səkkiz ayında iqtisadiyyatın qeyri neft-qaz sektorunda əlavə dəyər 1.7%, neft-qaz sektorunda isə 4,9% azalmışdır.

ÜDM istehsalının 35.2%-i sənaye, 11.2%-i ticarət; nəqliyyat vasitələrinin təmiri, 7,6%-i nəqliyyat və anbar təsərrüfatı, 7.2%-i kənd təsərrüfatı, meşə təsərrüfatı və balıqçılıq, 6.1%-i tikinti, 2%-i informasiya və rabitə, 1.3%-i turistlərin yerləşdirilməsi və ictimai iaşə sahələrinin, 19%-i digər sahələrin payına düşmüş, məhsula və idxala xalis vergilər ÜDM-in 10,4%-ini təşkil etmişdir.

Əhalinin hər nəfərinə düşən ÜDM 4 611.7 manata bərabər olmuşdur.

İN 2021-ci il üçün proqnozunda qeyd edib ki, gələn il üçün ən pis ssenari də belə ölkə iqtisadiyyatı 3% böyüyəcək.

Son xəbərlər
Oxşar xəbərlər