17 C
Baku
Wednesday, October 5, 2022

Azərbaycan İsrailin qlobal şirkəti ilə 8 il əməkdaşlıq edəcək – 15 milyon dollarlıq saziş

Azərbaycan İnvestisiya Şirkəti (AİŞ) və İsrailin “OurCrowd” şirkəti iki ölkə arasında texnologiya və biznes əlaqələrini genişləndirmək məqsədilə Strateji əməkdaşlıq sazişi imzalayıblar.

Banker.az İqtisadiyyat Nazirliyinə istinadən xəbər verir ki, dəyəri 15 mln. ABŞ dolları olan Saziş AİŞ-in “OurCrowd” şirkətinin startap investisiyalarına birbaşa çıxışına və Azərbaycanda startap şirkətlərinin inkişafına dəstək və mentorluğu təmin etməyə imkan yaradacaq. Sənəddə enerji, səhiyyə, kibertəhlükəsizlik, aqro, qida və təhsil texnologiyaları hədəf sektorları kimi nəzərdə tutulur. Tərəflər arasında 8 il müddətində əməkdaşlıq həyata keçiriləcək.

Məlumat üçün bildirək ki, 2013-cü ildə yaradılan “OurCrowd” şirkəti investorlara və təşkilatlara inkişaf etməkdə olan texnologiya şirkətlərinə sərmayə qoymağa imkan yaradan onlayn qlobal vençur investisiya platformasıdır. “OurCrowd” şirkəti kapitalını 5 qitədə yerləşən 347 portfel şirkətinə və 39 fonda yatırıb. “OurCrowd” bütün sektorlar və mərhələlər üzrə şirkətləri təhlil edir, seçir və sərmayə qoyur. Şirkət 195 ölkədən olan 215 mindən çox qeydiyyatdan keçmiş üzvdən ibarət qlobal platformaya xidmət edir.

Son xəbərlər
Oxşar xəbərlər