29 C
Baku
Thursday, July 25, 2024

Azərbaycan qazı Yunanıstan bazarında Rusiya “mavi yanacağı”nın payını ötüb

Azərbaycan Yunanıstana təbii qaz tədarükünün şaxələndirilməsində və ümumilikdə Avropa ölkələrinin enerji təhlükəsizliyinin təmin edilməsində mühüm rol oynayır.

Bu barədə Afinadakı Panteon Universitetinin Beynəlxalq Əlaqələr və Strateji Araşdırmalar Proqramının direktoru, professor Kostas A.Lavdas bildirib.

Açıqlanan statistikaya görə, 2023-cü ilin birinci rübündə Azərbaycan təbii qazı ilk dəfə olaraq Yunanıstan bazarında Rusiya “mavi yanacağı”nın payını ötüb.

Onun sözlərinə görə, bu gün Azərbaycan təbii qazının Xəzər regionundan Avropaya nəqli üçün nəzərdə tutulan Trans-Adriatik Qaz Boru Kəməri (TAP) Avropa İttifaqının (Aİ) enerji sahəsinin şaxələndirilməsində əsas amillərdən biridir: “Əlbəttə ki, Almaniya, İtaliya və Macarıstan kimi digər Aİ ölkələri ilə müqayisədə Yunanıstan enerji baxımından Rusiyadan həddən artıq asılı deyil. Lakin o, bu istiqamətdə şaxələndirməni davam etdirməlidir. Bu mənada Azərbaycan mühüm ölkədir”.

K.Lavdas xatırladıb ki, 2020-ci ilin dekabrından Azərbaycandan Yunanıstana və İtaliyaya ilk təbii qaz axını TAP ilə nəql edilib.

“Yunanıstan üçün 2023-cü ilin yanvar ayı əlamətdar hadisə ilə yadda qalıb: o vaxt Sidirokastro vasitəsilə Yunanıstana idxal edilən Rusiya boru kəməri qazının ümumi Yunanıstan idxalında payı 0 %-ə yaxınlaşıb, TAP qazının payı isə 22 %-ə çatıb”, – professor deyib.

Ekspert deyib ki, Aİ ilə Azərbaycan arasında münasibətlərin daha da yaxşılaşması üçün real potensial var və bu, Bakı ilə Afina arasındakı münasibətlərə də aiddir.

MənbəReport
Son xəbərlər
Digər xəbərlər