14 C
Baku
Sunday, April 21, 2024

Azərbaycana gələn turistlərin sayı 30%-dən çox artıb

Dövlət Sərhəd Xidmətinin məlumatına əsasən 2023-cü ildə Azərbaycan Respublikasına dünyanın 187 ölkəsindən 2085,8 min və ya əvvəlki illə müqayisədə 30,2 faiz çox əcnəbi və vətəndaşlığı olmayan şəxs gəlmişdir.

Banker.az xəbər verir ki, gələnlərin 30 faizi Rusiya Federasiyası, 18,1 faizi Türkiyə, 7,9 faizi İran, 5,6 faizi Hindistan, 5,0 faizi Gürcüstan, 3,9 faizi Səudiyyə Ərəbistanı, 2,8 faizi Qazaxıstan, 2,6 faizi Pakistan, 2,2 faizi Birləşmiş Ərəb Əmirlikləri, 1,9 faizi Özbəkistan, 1,5 faizi Ukrayna, hər birindən 1,4 faiz olmaqla Küveyt və İsrail, 1,3 faizi Belarus, 1,2 faizi Türkmənistan, 1,1 faizi Çin, 1,0 faizi Böyük Britaniya, 11,1 faizi digər ölkələrin vətəndaşları olmuşdur. Gələnlərin 70,3 faizini kişilər, 29,7 faizini qadınlar təşkil etmişdir.

2022-ci illə müqayisədə Çindən gələnlərin sayı 6,5 dəfə, Cənubi Koreyadan – 3,3 dəfə, Türkmənistandan – 2,3 dəfə, Hindistandan – 1,9 dəfə, Qazaxıstandan – 1,9 dəfə, Misirdən – 1,9 dəfə, Tacikistandan – 1,8 dəfə, Polşadan – 1,8 dəfə, Qırğızıstandan – 1,8 dəfə, Bəhreyndən – 1,7 dəfə, Filippindən – 1,7 dəfə, İtaliyadan – 1,6 dəfə, İspaniyadan – 1,6 dəfə, Özbəkistandan – 1,5 dəfə, Belarusdan – 48,8 faiz, Moldovadan – 48,2 faiz, Kanadadan – 40,0 faiz, Rusiya Federasiyasından – 39,9 faiz, ABŞ-dan – 37,9 faiz, Küveytdən – 31,3 faiz, Fransadan – 29,8 faiz, Gürcüstandan – 27,1 faiz, Niderlanddan – 26,0 faiz, Böyük Britaniyadan – 23,4 faiz, İsraildən – 21,6 faiz, Türkiyədən – 21,2 faiz, Almaniyadan – 18,3 faiz, Ukraynadan – 12,7 faiz, Birləşmiş Ərəb Əmirliklərindən – 11,4 faiz, Pakistandan – 6,7 faiz, İordaniyadan – 6,0 faiz artmışdır.

2022-ci illə müqayisədə MDB ölkələrindən gələnlərin sayı 44,6 faiz artaraq 824,1 min nəfər, Avropa İttifaqına üzv ölkələrdən gələnlərin sayı 41,6 faiz artaraq 104,8 min nəfər, körfəz ölkələrindən gələnlərin sayı 2,1 faiz azalaraq 350,2 min nəfər olmuşdur.

Ölkəmizə gələn əcnəbilər və vətəndaşlığı olmayan şəxslərin 71,4 faizi hava, 27,3 faizi dəmir yolu və avtomobil, 1,3 faizi isə dəniz nəqliyyatından istifadə etmişdir.

2022-ci illə müqayisədə xarici ölkələrə gedən Azərbaycan Respublikası vətəndaşlarının ümumi sayı 25,5 faiz artaraq 1868,7 min nəfər olmuşdur. Rusiya Federasiyasına gedən Azərbaycan Respublikası vətəndaşlarının sayı 1,5 dəfə, Gürcüstana gedənlərin sayı 31,8 faiz, Türkiyəyə gedənlərin sayı 24,3 faiz artmış, İrana gedənlərin sayı 27,7 faiz azalmışdır. Ölkə vətəndaşlarının 43,6 faizi Türkiyəyə, 21,5 faizi Rusiya Federasiyasına, 9,0 faizi Gürcüstana, 7,6 faizi İrana, 18,3 faizi digər ölkələrə səfər etmişdir.  Gedənlərin 64,9 faizini kişilər, 35,1 faizini qadınlar təşkil etmişdir.

2023-cü ildə xarici ölkələrə səfər edən Azərbaycan Respublikası vətəndaşlarının 67,5 faizi hava, 30,0 faizi dəmir yolu və avtomobil, 2,5 faizi isə dəniz nəqliyyatından istifadə etmişdir.

Son xəbərlər
Document

Rəqəmsal Həlləri

  • ERP Sistemi
  • CRM Müştəri Bazası
  • POS Kassa və Satış
  • İcarə
  • Layihələr
  • Anbar
  • Maliyyə
  • İnsan Resursları
  • İstehsalat
  • Satınalma
  • Tapşırıqlar
  • Ticketing
  • Çağrı Mərkəzi
  • Analitika
  • Elektron Ticarət
  • ERP Sistemi
Digər xəbərlər