“Bakı Beynəlxalq Dəniz Ticarət Limanı” QSC gəmi satışa çıxarıb.
Banker.az xəbər verir ki, satış hərrac vasitəsi ilə dekabr ayının 13-də baş tutacaq.
“Bakı Beynəlxalq Dəniz Ticarət Limanı”na məxsus “Şəfəq” neft məhsullarının, çirkab, döşəməaltı suların və zibillərin qəbulu gəmisinin ilkin qiyməti 70 min manatdır.
Sifarişlər Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Əmlak Xidmətləri Məkanında (Bakı şəhəri, Nizami rayonu, Xəlil Rza Ulutürk küçəsi 20) və yaxud e–emlak.gov.az elektron portalı vasitəsilə hərracın keçirilməsinə ən gec 3 (üç) bank günü qalanadək qəbul olunacaq.
