10 C
Baku
Tuesday, November 29, 2022

Azərbaycanda avqustda POS-terminalların sayı 2000-dən çox artıb

Azərbaycanda POS-terminalların sayı 2022-ci ilin avqust ayında iyul ayının sonu ilə müqayisədə 2 165 ədəd artaraq 72 828 ədədə çatıb. İyul ayının sonunda POS-terminalların sayı 70 663 ədəd olmuşdur.

Banker.az Mərkəzi Bankın aylıq hesabatına istinadən xəbər verir ki, ötən ilin sonu ilə müqayisədə, cari ilin 8 ayı ərzində POS terminalların sayı 11 892 ədəd artıb.

POS-terminalların 71 306 ədədi pərakəndə ticarət obyektlərində quraşdırılıb.

POS-terminalların 48 940 ədədi Bakıdakı, 23 888 ədədi regionlardakı obyektlərdədir. POS terminalların sayı avqust ayında Bakıda 1 566 ədəd, regionlarda isə 599 ədəd artıb.

Qeyd edək ki, bankların ticarət və xidmət obyektlərində POS-terminallarının sayı 2015-ci ilin dekabr ayında 80 min 301 ədəd çatmış, sonra isə azalmışdır.

 

Son xəbərlər
Digər xəbərlər
X