Ləğv prosesində olan ASC Standard Insurance Sığorta Şirkətinin Ləgvetmə komissiyası tərəfindən şirkətə məxsus rəsm əsərləri hərraca çıxarılacaqdır. Hərrac “Əmlak Hərrac Mərkəzi” MMC tərəfindən 24 avqust 2021-ci il tarixində saat 11:00-da Bakı şəhəri, Yasamal rayonu M.Rahim 4A ünvanında keçiriləcəkdir.
Bu barədə LPO ASC Standard Insurance Sığorta Şirkətinin ləğvetmə komissiyası bildirib.
Hərracda iştirak üçün ilkin satış qiymətinin hər bir şəkil üzrə 5 %-i, yəni hər bir rəsm əsəri üzrə 75 (yetmiş beş) manat məbləğində beh ödənilməlidir.
Hərrac predmetlərinin ətraflı təsviri aşağıdakı cədvəldə öz əksini tapmışdır:
| Rəsm əsəri | Müəllif | Ölçü | Hərrac dəyəri | Behin məbləği |
| Şəkil “Teiptix Dəniz mənzərəsi” | Müseib Əmirov | 65×196-1-1 | 1500 | 75 |
| Şəkil “Teiptix Dəniz mənzərəsi” | Müseib Əmirov | 65×196-1-2 | 1500 | 75 |
| Şəkil “Teiptix Dəniz mənzərəsi” | Müseib Əmirov | 65×196-1-3 | 1500 | 75 |
| Şəkil “Köhnə Bakı” | Şübhan Məmmədov | 80×140 | 1500 | 75 |
| Şəkil “Mənim Bakım” | Sübhan Məmmədov | 60×100.5 | 1500 | 75 |
Hərracla bağlı daha ətraflı məlumatları isə aşağıdakı linkdən əldə etmək mümkündür:
Ləğvetmə komissiyası həmçinin bildirir ki, şirkətin digər əmlaklarının qanunvericiliyə və təsdiq edilmiş hərrac qaydalarına əsasən açıq hərrac yolu ilə satışının təşkili davam edəcəkdir və bu barədə ictimaiyyətə əvvəlcədən məlumat veriləcəkdir.
ASC “Standard Insurance”-ın Ləğvetmə komissiyası
