Aprelin 29-da “Bakı Fond Birjası” (BFB) QSC-də “İsmayıllı Quşçuluq” ASC-nin səhmləri satışa çıxarılacaq. Bu barədə şirkətin məlumatında deyilir.
“Aprelin 29-da BFB-də “İsmayıllı Quşçuluq” ASC-nin 175,509 min ədəd adi, sənədsiz, adlı səhmləri satışa çıxarılacaq. Açıq hərracda iştirak etmək istəyənlər aprelin 26-na qədər “İnvest-AZ İnvestisiya Şirkəti” QSC-yə, eləcə də BFB-nin üzvü olan digər investisiya şirkətlərinə müraciət edə bilərlər”, – deyə məlumatda bildirilir.
“İsmayıllı Quşçuluq” ASC İsmayıllı rayonunda yerləşir. Müəssisədə ildə 750 ton toyuq əti istehsal edilir.
