Azərbaycanda depozit və kreditlər üzrə orta faiz dərəcəsi azalıb

Azərbaycan Mərkəzi Bankı  2020-ci ilin may ayının 1-ə olan depozit və əmanətlər üzrə orta faiz dərəcəsini açıqlayıb.

Banker.az AMB-yə istinad edərək xəbər verir ki, 2020-ci ilin may ayında verilmiş kreditlər üzrə orta faiz dərəcəsi manatla 13,62%, xarici valyuta ilə 5,83% təşkil edib. Cari ilin may ayını ötən ay ilə müqayisə edəndə məlum olur ki, manatla kreditlər üzrə orta faiz dərəcəsi 0,17 faiz bəndi, xarici valyutada kreditlər üzrə orta faiz dərəcəsi  0,14 faiz bəndi azalıb.

2020-ci ilin mayında fiziki şəxslərə verilən kreditin orta faiz dərəcəsi manatda 16,43% , xarici valyutada 8,96% olub. Hüquqi şəxslərə həmin ayda kreditlər manatda orta hesabla 8,58%, xarici valyutada 5,16% təşkil edib.  Belə ki, fiziki şəxslərə verilən kreditlərin orta faiz dərəcələri manatda aprel ayı ilə müqayisədə 0,04 faiz bəndi azalıb, xarici valyutada isə 0,09 faiz bəndi azalıb. Hüquqi şəxslərə verilən kreditlərin orta faiz dərəcələri isə manatda 0,24 faiz bəndi və xarici valyutada 0,16 faiz bəndi azalıb.

Mərkəzi Bankın statistikasına əsasən, may ayının 1-nə manatla depozit və əmanətlər üzrə orta faiz dərəcəsi 8,73%, xarici valyuta ilə 1,63% təşkil edib. Ötən ay ilə müqayisədə  manatla depozit və əmanətlər üzrə orta faiz dərəcəsi 0,22 faiz bəndi azalıb, xarici valyutada isə  depozit və əmanətlər üzrə orta faiz dərəcəsi isə 0,12 faiz bəndi azalıb.

Hüquqi şəxslərdən manatla depozitlər ortalama 5,71%, xarici valyutada isə 1,07%-dən cəlb edilib. Hesabat ayında fiziki şəxslərdən manatla cəlb edilmiş depozitlərin orta faizi 9,10%, xarici valyutada isə 2,06% olub.


Kredit müraciəti

Sizin müraciətiniz banka göndərildi.

24 saat işləyən filiallar 24 saat işləyən exchangelər Şənbə günü işləyən bank filialları