Növbəti hərracda dollara tələbin artdığı məlum olub.
Bu barədə Banker.az-a Azərbaycan Mərkəzi Bankından bildirilir.
22 dekabr 2020-ci il tarixində Mərkəzi Bankda Dövlət Neft Fondunun iştirakı ilə növbəti valyuta hərracı keçirilib.
Hərracda tələb 74.3 mln. ABŞ dolları təşkil etmiş və tam təmin edilmişdir. Cəmi olaraq isə 7 valyuta hərracında 475 mln. dollar vəsait satılıb. Öncəki ayla müqayisədə 8.1% artıb. Noyabrın eyni saylı ilk hərraclarında 439.3 mln. dollar satılmışdı.
Hərracda manatın ortaçəkili məzənnəsi 1.7000 səviyyəsində formalaşmışdır.
