18 C
Baku
Çərşənbə, May 25, 2022

Azərbaycanda elektrik enerjisinin istehsalı ilə bağlı vəziyyət açıqlanıb

2022-ci ilin birinci rübü üzrə elektrik enerjisinə dair operativ məlumatlara əsasən, mart ayında Azərbaycanda ümumi elektrik enerjisinin istehsalı 2307,2 mln. kVt·st təşkil edib. Bu da ötən ilin eyni dövrü ilə müqayisədə istehsalın 57,1 mln. kVt·st, yaxud 2,4 % azdır.

Energetika Nazirliyindən Banker.az-a verilən məlumata görə, martda elektrik enerjisinin idxalı 10,0 mln. kVt·st olmaqla 2021-ci ilin müvafiq dövrü ilə müqayisədə 1,1 mln. kVt·st, ixrac isə 19,0 mln. kVt·st olmaqla ötən ilin müvafiq dövrünə nisbətən 154,1 mln. kVt·st azalıb. Ümumilikdə 2022-ci ilin yanvar-mart aylarında respublika üzrə elektrik enerjisinin istehsalı ötən ilin eyni dövrü ilə müqayisədə 269,2 mln.kVt·st, yəni 3,9 % artaraq 7194,2 mln. kVt·st olub.

Hesabat dövründə ötən ilin ilk 3 ayına nisbətən elektrik enerjisinin istehsalı İES-lərdə 245,7 mln. kVt·st artaraq 6849,7 mln. kVt·st, SES-lərdə 17,2 mln. kVt·st artaraq 253,3 mln. kVt·st, digər mənbələr (KES, GES və BMTYZ) üzrə isə 6,3 mln. kVt·st artaraq 91,2 mln. kVt·st olub. Külək elektrik stansiyalarında 23,3 mln. kVt·st, günəş elektrik stansiyalarında 12,5 mln. kVt·st, Bərk Məişət Tullantılarının Yandırılması Zavodunda (BMTYZ) isə 55,4 mln. kVt·st elektrik enerjisi istehsal edilib.

Rüb ərzində elektrik enerjisinin istehsalı “Azərenerji” ASC üzrə 6532,7 mln. kVt·st (İES-lərdə 6293,1 mln. kVt·st, SES-lərdə 239,6 mln. kVt·st), Naxçıvan MR Dövlət Energetika Xidməti üzrə 81,56 mln. kVt·st (İES-lərdə 58,2 mln. kVt·st, SES-lərdə 11,7 mln. kVt·st, GES-də 11,6 mln. kVt·st), “Azərişıq” ASC üzrə külək elektrik stansiyalarında 14,1 mln. kVt·st, müstəqil elektrik stansiyaları üzrə 565,84 mln. kVt·st təşkil edib.

2022-ci ilin ilk 3 ayı üzrə elektrik enerjisinin ixracı 508,4 mln. kVt·st olmaqla, 2021-ci ilin eyni dövrü ilə müqayisədə 1,4 mln. kVt·st artıb. Bu dövrdə elektrik enerjisinin idxalı isə 30,7 mln. kVt·st olmaqla, ötən ilin müvafiq dövrünə nisbətən 1,5 mln. kVt·st azalıb.

Son xəbərlər
Oxşar xəbərlər