17 C
Baku
Tuesday, May 21, 2024

Azərbaycanda ilk dəfə “Baku International CEO Summit” keçirilib

Noyabrın 15-də ölkəmizdə ilk dəfə yerli və qlobal şirkətlərin baş icraçı direktorları, dövlət qurumlarının rəsmiləri, iş adamları və sahibkarların iştirakı ilə idarəetmə sahəsində dünyada tətbiq olunan yeniliklər, bu sahədə müasir innovasiyalar və texnologiyanın inkişafı, qabaqcıl təcrübələrin dialoqlar, müzakirələr və fikir mübadilələri ilə paylaşılmasını hədəfləyən “Baku International CEO Summit 2022” tədbiri keçirilib.

Azərbaycan HR İnstitutu’nun təsisçisi və direktoru Emil Hüseynov bildirib ki, “Baku International CEO Summit” tədbiri Azərbaycan Respublikası Prezidenti cənab İlham Əliyevin 2021-ci il 2 Fevral tarixli Sərəncamı ilə təsdiq edilmiş Azərbaycan 2030: sosial iqtisadi-inkişafa dair növbəti illər ərzində reallaşdırılması planlaşdırılan “Milli prioritetlər”dən birincisi “Dayanıqlı artan rəqabət qabiliyyətli iqtisadiyyat” prioritetinə əsaslanaraq ölkəmizdə dövlət-özəl əməkdaşlığının inkişafı, işgüzar mühit və korporativ idarəetmənin daha da gücləndirilməsi üçün “Daha yaxşı gələcək naminə” şüarı ilə təşkil olunub.

Tədbirin ekskluziv baş sponsoru dünyanın ən tanınmış istehlak malları istehsalçısı olan “Procter & Gamble” şirkətidir. “Gələn il biz Azərbaycanda 25 illik yubileyimizi qeyd edəcəyik. Biz Azərbaycana 1998-ci ildə gəldik və hazırda portfelimizdəki 16 brendlə 25 ildir Azərbaycan istehlakçılarına xidmət göstərən gündəlik tələbat malları sektorunun liderlərindən biriyik. P&G Azərbaycan olaraq biz aparıcı brendlərimizlə istehlakçılarımızı dinləyir və onlara ən yaxşı məhsullarımızı təklif edirik. Azərbaycana bir çox “ilklər” və “yeniliklər” gətirmək imtiyazımız oldu. Bizim yaratdığımız dəyər təkcə iqtisadi və ticari deyil. Biz güclü təsirə malik sosial məsuliyyətli korporativ vətəndaş olmaq üçün çox çalışırıq. Biz “Baku International CEO Summit 2022” tədbirinin baş eksklüziv sponsoru olmaqdan çox məmnunuq və inanırıq ki, “Baku International CEO Summit” ölkədə davamlı və inkişaf edən biznes platforması olacaq” – P&G şirkətinin Qafqaz və Mərkəzi Asiya Respublikaları üzrə baş direktoru Değer Kurtaslanoğlu belə bildirib.

Digər sponsorlar isə “Crowe Azərbaycan”, “iSpring Solutions”, “Dərs evi”, “Smart Solutions Group” və Slavyanka-dır.

Tədbirdə yerli və beynəlxalq şirkətlərin baş icraçı direktorları, dövlət qurumlarının vəzifəli şəxsləri və dünyanın aparıcı konsultasiya şirkət rəhbərləri ilk dəfə vahid platformada müasir idarəetmə sahəsində baş verən son yeniliklər və gələcək gözləntilərdən bəhs etmişlər. Tədbir iştirakçıları qlobal bazarda idarəetmə trendləri və onun gələcək imkanları, biznesin gələcəyi, rəqəmsal transformasiyalar, yeni müştəri portreti və onun davranışları və s. maraq kəsb edən mövzularla bağlı yeni fikir və təcrübələrə sahib olublar.Foto 1

Foto 2

Foto 3

Foto 4

Foto 5

Foto 6

Foto 7

Son xəbərlər
 ⁠
Digər xəbərlər