Azərbaycanda hava nəqliyyatı ilə sərnişin daşıma xidmətləri 2024-cü ilin mart ayında 2024-cü ilin fevral ayına nisbətən 8.7% bahalaşıb.
Banker.az bu barədə Dövlət Statistika Komitəsinə istinadən xəbər verir.
Bu ilin mart ayında hava nəqliyyatı ilə sərnişin daşınması xidmətləri illik müqayisədə 11.2%, yanvar-mart ayında isə 19% ucuzlaşıb.
Qeyd edək ki, hava nəqliyyatı ilə 782.1 min və ya 45.1 faiz çox sərnişin daşınmış, daşımaların 99.9 faizi dövlət, 0.1 faizi isə özəl müəssisələrə məxsus nəqliyyat vasitələri ilə həyata keçirilmişdir. Bu nəqliyyat növü ilə yükdaşıma 13 faiz artaraq 94.5 min ton olub.
