Azərbaycanda rəqəmsal kameraların idxalı əlavə dəyər vergisindən azad olunan əsas vəsaitlərin siyahısına daxil edilib.
Banker.az xəbər verir ki, bununla bağlı Nazirlər Kabinetinin 5 sentyabr 2023-cü il tarixli qərarında deyilir. Qərarı Baş nazir Əli Əsədov imzalayıb.
Qeyd edilən məhsulun nomenklatura kodu 8525 89 300 0 kimi göstərilir.
Siyahıda fotokameralar üçün hissələr və ləvazimatlar; boşalma (elektron) fotoişartılar da daxil edilib.
Həmin məhsulların idxalına indiyə qədər 15% gömrük, 18% idxal ƏDV rüsumu tətbiq edilirdi.
Bu Qərar 2023-cü il 1 yanvar tarixindən tətbiq edilir.
2023-cü ilin ilk yarısında bu kodda olan 146 435 ədəd və ya $5.71 mln.-luq məhsul idxal edilib. Məlumatı DSK paylaşıb.
