“Azərbaycanda ‘Sənaye Korporasiyası’ kənd təsərrüfatı müəssisələrini idarə edəcək”

Traktor buğda üyüdərkən. Slogansk,Rusiya / FOTO: FT

Bank və maliyyə məsələləri üzrə ekspert Əkrəm Həsənov deyir ki, Cəmiyyətin fəaliyyəti uğurlu olsa, digər dövlət müəssisələrini də idarəetməyə götürəcək

Prezident İlham Əliyev “Azərbaycan Sənaye Korporasiyası” Açıq Səhmdar Cəmiyyətinin fəaliyyətinin təmin edilməsi ilə bağlı əlavə tədbirlər haqqında fərman imzalayıb. Fərmanda bildirilib ki, “Azərbaycan Sənaye Korporasiyası” Açıq Səhmdar Cəmiyyətinin Nizamnaməsi” təsdiq edilsin.

Bank və maliyyə məsələləri üzrə ekspert Əkrəm Həsənov Sputnik-ə deyib ki, “Azərbaycan Sənaye Korporasiyası” ASC ilk baxışdan yalnız sənaye müəssisələrini idarə edəcək kimi görünə bilər, amma Cəmiyyətin nizamnaməsində aqrar sektor xüsusi vurğulanır:

“Yəni Cəmiyyət kənd təsərrüfatı müəssisələrini də idarə edəcək. Ümumiyyətlə, “Azərbaycan Sənaye Korporasiyası” ASC dövlət müəssisələrini idarə edəcək”.