Azərbaycanda ali təhsil müəssisələrinin bakalavr və magistr pilləsində təhsil alan tələbələr üçün “Beynəlxalq Mühasibat Uçotunun Əsasları” üzrə ödənişsiz təlim keçiriləcək.
Bu barədə Maliyyə Nazirliyi yanında Maliyyə Elm-Tədris Mərkəzindən bildirilib.
Məlumata görə, təlimdə iştirak etmək üçün tələbələr oktyabrın 1-nə qədər mərkəzdə müsahibəyə dəvət edilirlər. Müsahibədə müvəffəqiyyət qazanan 15 nəfərə mərkəzin hesabına ödənişsiz təlim keçiriləcək.
Belə bir təlimin keçirilməsi ölkədə mühasibat uçotunun inkişafına dəstək məqsədi daşıyır. Bu təlimlərin mütəmadi keçirilməsi planlaşdırılır.
Qeydiyyata düşmək üçün mərkəzlə əlaqə saxlamaq lazımdır.
Report
