Azərbaycanda yük və sərnişin daşımaları artıb

0

Azərbaycanda 2019-cu ilin yanvar-sentyabr ayları ərzində nəqliyyat sektorunda fəaliyyət göstərən təsərrüfat subyektləri tərəfindən 172,5 mln. ton yük daşınıb, bu da ötən ilin müvafiq dövrü ilə müqayisədə  1,6% çox deməkdir.

 Dövlət Statistika Komitəsinə istinadən verilən məlumata görə, yüklərin 2,6%-i dəniz, 6,3%-i dəmir yolu, 0,1%-i hava, 65,7%-i avtomobil nəqliyyatı, 25,3%-i isə boru kəməri ilə daşınıb.


Kredit müraciəti

Sizin müraciətiniz banka göndərildi.

Qeyri-dövlət sektoruna məxsus nəqliyyat vasitələri ilə daşınmış yüklərin həcmi 1,9% artıb, daşınmış yüklərin ümumi həcmində bu sektorun xüsusi çəkisi 82,5% təşkil edib. Hesabat dövründə nəqliyyatçılar 1 487,4 mln. nəfərə və ya 2018-ci ilin eyni dövrü ilə müqayisədə 2,1% çox sərnişinə xidmət göstəriblər. Sərnişinlərin 88,3%-i avtomobil nəqliyyatı, 11,4%-i metro, qalan hissəsi isə digər nəqliyyat növləri ilə daşınıb.