Azərbaycanın bankçılıq missiyası işgüzar səfər çərçivəsində ABŞ-nin Maliyyə və Ticarət üzrə Bankirlər Assosiasiyası ilə görüşüb.
Banker.az Mərkəzi Banka istinadən xəbər verir ki, görüşdə MTBA tərəfindən ABŞ bankları ilə müxbir bank əlaqələrinin qurulması sahəsində ən yaxşı təcrübələrə dair praktiki sessiya keçirilib. Həmçinin iştirakçılarla ticarətin maliyyələşdirilməsi, ABŞ-nin bank sektorunda yeni inkişaf trendləri və maliyyə sektorunun gündəmində olan digər mühüm mövzular üzrə müzakirələr aparılıb.
